Sonerila

Sonerila
Sonerila maculata
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Melastomataceae
Henero:	Sonerila Roxb.
Dagiti sebbangan
Kitaen ti teksto

Ti Sonerila^[1] ket ti henero dagiti mula iti pamilia ti Melastomataceae. Daytoy a henero ket mailasin babaen ti kadda dagiti tallo a petalo (maikuyog dagiti henero ti Stussenia & Lithobium) kas maigiddiat iti lima kadagiti sabali a kameng iti pamilia. Kaaduan kadagiti kameng iti henero ket kumaykayat nga agtubo kadagiti nalinongan a habitat. Daytoy ket maysa a dakkel a henero a mangiraman kadagiti agarup a 175 a sebbangan.^[2]

Daytoy ket naipangpangruna a maysa nga Asiatiko a henero kadagiti tropikal ken subtropikal a rehion a naiwarwaras manipud iti India ken Sri Lanka aginggana iti Indo-Pasipiko.^[3] Dagiti kameng ti grupo ket kadawyan a dagiti hierba wenno dagiti babassit a mula, a mairaman dagiti awanan iti ungkay a kameng. Agsumbangir dagiti bulong, intero a pingir a bulong wenno napino a rimmagadi. Dagiti inploressensia ket kadawyan nga scorpioid cyme. Dagiti sabong dagiti kaaduan a sebbangan ket purpura, adda met dagiti kameng nga addaan kadagiti maralabbasit wenno puraw a sabong. Dagiti estambre ket 3, (iti maysa a balikuskos) wenno karkarna nga 6 (kadagiti dua a balikuskos). Imperior ti iitlogan, 3 a selula. Adu kadagiti sebbangan iti daytoy a henero ket addaan iti magawidan a pannakaiwarwaras ken babassit a populasion ken isu a maikeddeng a kas Madanar (VU) wenno Maipangta (EN) a naibatay iti kriteria ti Nalababsit a Listaan ti IUCN ngem daytoy a takson ket saan pay a naipategan para iti Nalababsit a Listaan ti IUCN.